பாலாவின் ‘பரதேசி’ மார்ச் 15-ல் வெளியீடு

பாலா இயக்கத்தில் அதர்வா, தன்ஷிகா, வேதிகா நடித்துள்ள படம் ‘பரதேசி’. ஜி.வி.பிரகாஷ் இசையமைத்துள்ளார். இப்படம் ரசிகர்களிடேயே மிகவும் எதிர்பார்ப்பை ஏற்படுத்தி வருகிறது.

இப்படம் பொங்கல் அன்றே வெளியாகும் என எதிர்பார்க்கப்பட்டது. ஆனால் ஏதோ சில காரணங்களால் படம் வெளியாவதில் தாமதம் ஏற்பட்டது. இந்நிலையில், தற்போது மார்ச் 15ம் தேதியன்று இப்படம் வெளியாகும் என அதிகாரப்பூர்வமாக அறிவிக்கப்பட்டுள்ளது.

இப்படத்தை பாலாவின் சொந்த நிறுவனமான ‘பி’ ஸ்டுடியோஸ் தயாரித்திருந்தது. தற்போது இந்த படத்தின் வெளியீட்டு உரிமையை ‘ஆரோகணம்’, ‘நடுவுல கொஞ்சம் பக்கத்த காணோம்’ படங்களை வெளியிட்ட ஜே.எஸ்.கே. பிலிம்ஸ் வாங்கியுள்ளது. இந்த நிறுவனம் மூலமே இந்தியா மூலம் இந்த படம் வெளியிடப்படுகிறது.

கேன்ஸ் திரைப்படவிழாவில் இப்படம் திரையிடப்பட உள்ளதால் இப்படத்தை பிற நாடுகளில் வெளியிடப்படவில்லை.