துஷ்பிரயோகத்திற்கு உட்படுத்தப்பட்டு கொலை செய்யப்பட்ட ஆறு வயது சிறுமி! சந்தேகநபர்கள் மூவர் கைது!

கொழும்பு கிருலப்பனைப்பகுதியில் ஆறு வயது சிறுமியொருவர் பாலியல் துஷ்பிரயோகத்திற்கு உட்படுத்தப்பட்டு கொலை செய்யப்பட்ட சம்பவம் தொடர்பில் மேலும் ஒரு சந்தேக நபர் கைது செய்யப்பட்டுள்ளார்.

இந்தச் சம்பவத்தில் கிருலப்பனை இராமகிருஷ்ணா வித்தியாலயத்தில் இரண்டாம் ஆண்டில் கல்வி பயிலும் கிருஷ்ணகுமார் துஷாந்தினி (வயது6) என்ற சிறுமியே படு பாதகமான முறையில் படுகொலை செய்யப்பட்டவராவார்.

வெள்ளவத்தை சித்தார்த்த வீதி புனித அந்தோனியார் தேவாலயத்தின் திருச்சொரூப பவனியில் கலந்து கொண்டு விட்டு தாயாருடன் உறவினர் ஒருவரது வீட்டிற்கு சென்ற வேளையிலேயே இந்தச் சிறுமிக்கு இந்த நிலை ஏற்பட்டுள்ளது. இந்தப் படுபாதக செயலுடன் தொடர்புடைய 16 வயதுடைய அந்தச் சிறுமியின் உறவினரான சிறுவன் ஒருவனையும் 18 வயதுடைய இளைஞன் ஒருவனையும் பொலிஸார் கைது செய்திருந்தனர்.

இதனையடுத்து இன்றைய தினம் சம்பவத்துடன் தொடர்புபட்டதாகக் கூறப்பட்ட மேலும் ஒரு நபர் கைது செய்யப்பட்டுள்ளார்.

மேலும் குறித்த சிறுமி சுமார் ஒரு மாதம் காலமாக இவ்வாறு பாலியல் வல்லுறவுக்குட்படுத்தபட்டிருந்தாக மருத்துவ அறிக்கையில் தெரிவிக்கப்பட்டுள்ளது.