விபசார விடுதி முற்றுகை இரு பெண்கள் உட்பட ஐவர் கைது!

திருகோணமலை, உப்புவெளி பொலிஸ் பிரிவிற்குட்பட்ட அலஸ்வத்தை நிலாவெளி பகுதியில் செயற்பட்டு வந்த விபசார விடுதி முற்றுகையிடப்பட்டுள்ளது.

உப்புவெளி பொலிஸாருக்குக் கிடைத்த தகவலை அடுத்து நேற்று முன்தினம் இரவு மேற்கொள்ளப்பட்ட சுற்றிவளைப்பின் போது குறித்த விபசார விடுதி முற்றுகையிடப்பட்டது.

ஆயுர்வேத சிகிச்சை நிலையம் என்ற பெயரில் இயங்கி வந்த இந்த விடுதியில் இருந்து மூன்று ஆண்களும் இரு பெண்களும் கைது செய்யப்பட்டுள்ளனர்.

சந்தேக நபர்கள் நேற்று திருகோணமலை நீதவான் நீதிமன்றில் ஆஜர்படுத்தப்படவிருந்தனர். உப்புவெளி பொலிஸார் மேலதிக விசாரணைகளை மேற்கொண்டு வருகின்றனர்.