கேரட் தயிர் பச்சடி

தேவையான பொருள்கள்:

கேரட் - அரை கிலோ
தயிர் - 2 கப்
உருளைக்கிழங்கு - 100 கிராம்
வெங்காயம் - 50 கிராம்
பச்சை மிளகாய் - 4
இஞ்சி - சிறு துண்டு
கடுகு - அரை ஸ்பூன்
உளுத்தம் பருப்பு - 1 ஸ்பூன்
எண்ணெய் - 1 ஸ்பூன்
உப்பு - தேவையான அளவு

செய்முறை:

• கேரட்டை பொடியாக துருவிக் கொள்ளவும்.

• உருளைக்கிழங்கை சிறிது மஞ்சள் பொடி சேர்த்து குக்கரில் வேக வைத்து உரித்து மசித்துக் கொள்ளவும்.

• வெங்காயம், பச்சை மிள்காய், இஞ்சியை பொடியாக நறுக்கவும்.

• வாணலியில் எண்ணெய் விட்டுக் காய்ந்ததும் கடுகு, உளுத்தம் பருப்பு, கறிவேப்பிலை தாளித்து அதனோடு வெங்காயம், பச்சை மிளகாய் சேர்த்து வதக்கவும்.

• ஒரு பாத்திரத்தில் துருவிய கேரட், மசித்த உருளைக்கிழங்கு, உப்பு சேர்த்து தயிர் சேர்த்து கிளறிக் கொள்ளவும்.

• தாளித்ததை இந்த கலவையில் கொட்டி கொத்தமல்லி சேர்த்து கிளறி பரிமாறவும்.

• சுவையான கேரட் தயிர் பச்சடி தயார். இதை எல்லா விதமான ரைஸோடும், சப்பாத்தி, நூடுல்ஸ் ஆகியவற்றோடு பரிமாறலாம்