ஒளிப்பதிவாளருக்கு நடிக்கவும் தெரிய வேண்டும்

சென்னை : ‘மழை’, ‘பொக்கிஷம்’, ‘ராமன் தேடிய சீதை’ உட்பட பல படங்களுக்கு ஒளிப்பதிவு செய்திருப்பவர் ராஜேஷ் யாதவ். தற்போது, ‘புதுமுகங்கள் தேவை’ என்ற படத்தில் நடித்து வருகிறார். இதுகுறித்து அவர் கூறியதாவது: கேமராவுக்கு பின்னால் நின்று விட்டு திடீரென்று நடிக்க வந்தது ஆரம்பத்தில் சிரமமாக இருந்தது. சின்ன குறைபாடு இருந்தாலும் ரீடேக் என்று எளிதாகச் சொல்லிவிடுவேன்.

இப்போது நானே சில காட்சிகள் ரீடேக் போகும்போது கஷ்டமாகத்தான் இருக்கிறது. ஒளிப்பதிவாள ருக்கு நடிக்கவும் தெரிந்திருக்க வேண்டும். அப்போதுதான் மற்றவர்கள் நடிப்பை கணிக்க முடியும் என்பதை உணர்ந்திருக்கிறேன். ‘புதுமுகங்கள் தேவை’ படத்தில் சினிமா தயாரிப்பாளராக நடிக்கிறேன். புதுமுகங்கள் இணைந்து சினிமா எடுப்பதை காமெடியாகச் சொல்லும் படம். நல்ல கேரக்டர்கள் அமைந்தால் தொடர்ந்து நடிப்பேன். ஆனாலும் ஒளிப்பதிவை கைவிட மாட்டேன். படம் இயக்கும் திட்டமும் இருக்கிறது.