ஆத்மா கதையில் இரட்டை ஹீரோயின்

ஆத்மாவின் சக்தியை மையமாக வைத்து உருவாகும் படத்தில் இரட்டை ஹீரோயின்கள் நடிக்கின்றனர். பல்வேறு டான்ஸ் மாஸ்டர்களிடம் உதவி நடன இயக்குனராக பணியாற்றியவர் பி.வின்சென்ட் ஜெயராஜ். இவர் எழுதி இயக்கும் படம் ‘அரூபம்Õ. இதுபற்றி அவர் கூறியதாவது: ஒரே கல்லூரியில் படிக்கும் இரண்டு நண்பர்கள் நட்பாக பழகினாலும் அவர்களுக்குள் ஈகோ இருந்துகொண்டே இருக்கிறது. ஒரு கட்டத்தில் அது மோதலாக வெடிக்கிறது. தப்பு செய்தவன் தண்டனை அனுபவித்தே தீருவான் என்ற கருவுடன் ஸ்கிரிப்ட் அமைக்கப்பட்டுள்ளது. அத்துடன் ஆத்மாவுக்கு அழிக்கும் சக்தி கிடையாது, அது பயமுறுத்தும் என்ற கூற்றும் இதில் சொல்லப்படுகிறது. புதுமுகம் தேவா ஹீரோ. ரக்சிதா, சகானா ஹீரோயின்கள். ஜி.ஜெயபாலன் ஒளிப்பதிவு. சுனில் சேவியர் இசை. ராணா ராஜேந்திரன் தயாரிப்பு. இதன் ஷூட்டிங் கொடைக்கானலில் நடந்துள்ளது. இவ்வாறு இயக்குனர் கூறினார்.