ரொமான்ஸ் கதையில் “விஸ்வரூபம் பார்ட்-2!

தன் சொந்த தயாரிப்பில், “விஸ்வரூபம் படத்தை இயக்கி நடித்துள்ள கமல்ஹாசன். ஜனவரி, 10ம் தேதி இரவு, 9:30 மணிக்கு. “டி.டி.எச்., மூலம் படத்தை ஒளிபரப்பு செய்கிறார். இதையடுத்து, 11ம் தேதி தியேட்டர்களில் படம் வெளியாகிறது. தமிழ், தெலுங்கு, இந்தி என, மூன்று மொழிகளில் ஆரோ, “3டி தொழில் நுட்பத்தில் தயாராகியுள்ள, “விஸ்வரூபம் படத்தின் இரண்டாம் பாகத்தையும் அடுத்து இயக்கி நடிக்கிறார் கமல். இது பற்றி, அவர் கூறுகையில், “முதல் பாகத்தில் இருந்து இரண்டாம் பாகம் முற்றிலும் மாறுபட்டதாக இருக்கும்.
குறிப்பாக, அதில் ரொமான்ஸ் காட்சிகள் முதல் பாகத்தை விட அதிகமாக இருக்கும். அதற்கேற்ப கதையும் தயாராகிவிட்டது. “முதல் பாகம் வெளியான பிறகே, இரண்டாம் பாகத்தை எப்போது துவங்குவது என்பது குறித்து முடிவெடுப்பேன் என்கிறார் கமல்.