கும்கி டீமுக்கு தங்கச் சங்கிலி பரிசு

சென்னை : ‘கும்கி’ பட டீமுக்கு அந்தப் படத்தின் தயாரிப்பாளர் லிங்குசாமி, தங்கச் சங்கிலி பரிசளித்தார். லிங்குசாமியின் திருப்பதி பிரதர்ஸ் நிறுவனம் தயாரிப்பில், பிரபு சாலமன் இயக்கிய படம், ‘கும்கி’. விக்ரம் பிரபு, லட்சுமி மேனன், தம்பி ராமையா நடித்திருந்தனர். இந்தப் படம் ஹிட்டானதை அடுத்து, படக்குழுவினருக்கு நட்சத்திர ஓட்டல் ஒன்றில் லிங்குசாமி நேற்று முன்தினம் விருந்தளித்தார். அப்போது, ‘கும்கி’ படத்தில் பணியாற்றிய ஒவ்வொருவருக்கும் தங்கச்சங்கிலி பரிசளித்து பாராட்டுத் தெரிவித்தார். இதையடுத்து படக்குழுவினர் மகிழ்ச்சி அடைந்தனர்.