கையில் பச்சை குத்தியிருந்த காதலன் பெயரை நீக்கினார் எமி

சென்னை : தமிழில் ‘மதராச பட்டிணம்’, ‘தாண்டவம்’ படங்களில் நடித்தவர், எமி ஜாக்சன். தமிழில் வெளியான ‘விண்ணைத்தாண்டி வருவாயா’ படம், இந்தியில் ‘ஏக் தா தீவானா’ என்ற பெயரில் ரீமேக் ஆனபோது, பாலிவுட் ஹீரோ பிரதீக் பப்பர் ஜோடியாக நடித்தார். முதலில் நண்பர்களாகப் பழகிய அவர்கள், பிறகு காதலிக்கத் தொடங்கினர். மும்பையில் இருவரும் ஒரே வீட்டில் வசித்து வந்ததாகவும் கூறப்பட்டது.

இந்நிலையில், ஷங்கர் இயக்கும் ‘ஐ’ படத்தில் நடித்து வருகிறார் எமி. இப்போது அவருக்கும், பிரதீக் பப்பருக்கும் கருத்து வேறுபாடு ஏற்பட்டுள்ளதாகவும், இருவரும் காதலை முறித்துக்கொண்டதை அடுத்து தனது கையில் பிரதீக் பெயரை பச்சைக் குத்தியிருந்த எமி, அதை நீக்கிவிட்டார் என்றும் கூறப்படுகிறது.