பனி விழும் நிலவு என்ன கதை?

சென்னை : வீ.சி பிக்சர்ஸ் சார்பில் ஒய்.பி.வித்யாசாகர் தயாரிக்கும் படம், ‘பனி விழும் நிலவு’. ஹிருதய், ஈடன் ஜோடியாக நடிக்கிறார்கள். எல்.வி.கணேஷ் இசை அமைத்துள்ளார். டி.எஸ்.வாசன் ஒளிப்பதிவு. படத்தை இயக்கும் கௌசிக் கூறியதாவது: காதலும் காமெடியும் இணைந்த கதை. காதலில் வரும் ஊடல்களையும் கூடல்களையும் நிறைய படங்களில் காமெடியாகச் சொல்லிவிட்டார்கள். இதில் அதே விஷயத்தை வேறொரு கோணத்தில் அணுகியிருக்கிறோம். சிரிக்க வைத்து, ரசிக்க வைத்து, சிந்திக்க வைத்து அனுப்பும் வகையில் படம் தயாராகி உள்ளது. மூன்று கோடி செலவில் உருவாக்கப்பட்டுள்ள படத்தில் பாடலுக்காக மட்டும் ஒன்றரைகோடி செலவு செய்திருக்கிறோம்