படமானது டெல்லி மாணவி பாலியல் பலாத்கார சம்பவம்

சென்னை : டெல்லி மாணவி பாலியல் பலாத்கார சம்பவம் ‘பிரீடம்’ என்ற பெயரில் படமாகி உள்ளது. டெல்லி மாணவியின் பாலியல் பலாத்கார சம்பவம் இந்தியா முழுவதும் பெரும் அதிர்வலைகளை ஏற்படுத்தியது. பாலியல் பலாத்காரத்துக்கு தூக்குத் தண்டனை நிறைவேற்றக் கோரி ஏராளமான மாணவர்கள் மற்றும் சமூக அமைப்புகள் டெல்லியில் பல போராட்டங்களை நடத்தின. இப்போது இச்சம்பவம் சினிமாவாக தயாரிக்கப்பட்டுள்ளது.

ஒயிட் ஆப்பிள் சினிமா நிறுவனம் இதை தயாரித்துள்ளது. தமிழ், தெலுங்கு, இந்தி மொழிகளில் தயாராகும் இந்தப் படத்தை டான் கவுதம் இயக்குகிறார். மாணவியாக ரேவதி என்கிற ரே நடித்துள்ளார். பாகிஸ்தான் இசை அமைப்பாளர் குலாம் அலி இசை அமைத்துள்ளார். பின்னணி இசை அனிருத். மாணவியின் மரணத்தை ஒட்டி அமிதாப்பச்சன் எழுதிய கவிதையை இதில் பாடலாக்கி இருக்கிறார்கள். வரும் 26&ம் தேதி படம் வெளியாகிறது.