தெற்காசிய பட விழாவில் சிறந்த படமாக வழக்கு எண் 18/9 தேர்வு

சென்னை : பாரிசில் நடந்த தெற்காசியத் திரைப்பட விழாவில் பாலாஜி சக்திவேல் இயக்கிய ‘வழக்கு எண் 18/9’ படம் சிறந்த படமாகத் தேர்வு பெற்றுள்ளது. பாரிசில் கடந்த வாரம் தெற்காசிய திரைப்பட விழா நடந்தது. இதில் இந்தியா, பாகிஸ்தான், வங்கதேசன், இலங்கை மற்றும் நேபாள நாட்டு திரைப்படங்கள் பங்கேற்றன. இதில் திருப்பதி பிரதர்ஸ் பிலிம் மீடியா லிட் நிறுவனம் தயாரிப்பில் பாலாஜி சக்திவேல் இயக்கிய, ‘வழக்கு எண் 18/9’ படமும் திரையிடப்பட்டது.

விழாவின் இறுதி நாளில் சிறந்த படங்களுக்கு விருது அறிவிக்கப்பட்டது. அதில் ‘வழக்கு எண் 18/9’ சிறந்த படமாக தேர்வு செய்யப்பட்டு விருது வழங்கப்பட்டது. இந்த விருதை பெறும் முதல் இந்திய திரைப்படம் இதுதான். விருதை பாலாஜி சக்திவேலும் லிங்குசாமியும் பெற்றுக்கொண்டனர்.