பாலியல் தொழிலாளியாக நடிக்க திவ்யா மறுப்பு

பெங்களூர் : பாலியல் தொழிலாளியாக நடிக்க அட்வான்ஸ் வாங்கிவிட்டு நடிக்க மறுத்தார் என்று திவ்யா ஸ்பாந்தனா மீது புகார் கூறப்பட்டுள்ளது. கன்னடப்பட இயக்குனர் விஜயபிரசாத் ‘சிட்லிக்கு’ என்ற கன்னட படத்தை இயக்கினார். திவ்யா நடித்திருந்த இந்தப் படம் ஹிட்டானதை அடுத்து ‘நீர் டோஸ்’ என்ற படத்தை இயக்க இருப்பதாக அறிவித்தார். இதில் திவ்யாவே ஹீரோயினாக நடிப்பார் என்றும் அறிவிக்கப்பட்டது. ஷூட்டிங் ஆரம்பிக்க இருந்த நிலையில் இந்த படத்தில் இருந்து விலகுவதாக திவ்யா கூறினார். இதனால் படக்குழுவினர் அதிர்ச்சி அடைந்தனர். இதுபற்றி திவ்யாவிடம் கேட்டபோது,

‘பாலியல் தொழிலாளி கேரக்டர். முதலில் நடிப்பதாகச் சொன்னேன்.இது சிறப்பான கதை என்றாலும் இந்த கேரக்டருக்கு நான் பொருத்தமாக இருக்க மாட்டேன் என்று தோன்றியது. அதனால் விலகிவிட்டேன்’ என்றார். விஜயபிரசாத் கூறும்போது, ‘ஒன்லைனை கேட்ட திய்வா நடிப்பதாகக் கூறினார். அட்வான்ஸ் கொடுத்தோம். ஷூட்டிங் தொடங்க இருந்த நிலையில், ‘எனக்கு இந்த கேரக்டர் பொருத்தமாக இருக்காது. படத்தில் இருந்து விலகுகிறேன்’ என்றார். அவர் விலகியது ஏமாற்றமளிக்கிறது. இப்போது கன்னடம் பேசும் வேறு நடிகையை தேடி வருகிறோம்’ என்று தெரிவித்தார்.