பூலோகம் படத்துக்காக 4000 மாணவர்கள் பங்கேற்ற சண்டைக்காட்சி

சென்னை : ‘பூலோகம்’ படத்துக்காக நான்காயிரம் மாணவர்கள் பங்கேற்ற சண்டைக்காட்சி திருவண்ணாமலையில் நடந்தது. ஜெயம் ரவி, த்ரிஷா நடிக்கும் படம், ‘பூலோகம்’. ஆஸ்கார் பிலிம்ஸ் தயாரிக்கும் இந்தப் படத்தை கல்யாண் கிருஷ்ணன் இயக்குகிறார். அவர் கூறியதாவது: படத்தின் முக்கியமான சண்டைக்காட்சி திருவண்ணாமலையில் படமாக்கப்பட்டது. ஜெயம் ரவி, அர்பீத் ரங்கா மோதும் இந்த சண்டைக்காட்சியில் நான்காயிரத்துக்கும் அதிகமான மாணவர்கள், ஐநூறுக்கும் மேற்பட்ட விளையாட்டு வீரர்கள், ஆயிரம் ஜூனியர் ஆர்டிஸ்டுகள் பங்கேற்றனர்.

திருவண்ணாமலை மாவட்டத்தில் உள்ள பல்வேறு கல்லூரிகளில் இருந்து மாணவர்களை அழைத்து வந்து படமாக்கினோம். பத்து நாட்கள் நடந்த இந்தப் படப்பிடிப்பு எட்டு கேமராவில் படமாக்கப்பட்டது. இந்த சண்டைக்காட்சி படத்தில் பிரமாண்டமாக இருக்கும். இவ்வாறு கல்யாண் கிருஷ்ணன் கூறினார்.