தடை செய்யப்பட்ட பகுதி

சென்னை : ஹரி சினி பிலிம்ஸ் தயாரிக்கும் படம், ‘தடை செய்யப்பட்ட பகுதி’. புதுமுகங்கள் சாஜூ, சூரியபிரியா மற்றும் சோனா, ரஞ்சனா உட்பட பலர் நடிக்கின்றனர். ஒளிப்பதிவு, சாய் நட்ராஜ். இசை, வில்லியம்ஸ் ராஜா. பாடல்கள், சி.புண்ணியா. ரவிதம்பி இயக்குகிறார். நிருபர்களிடம் அவர் கூறியதாவது: டெல்லி மாணவி பாலியல் பலாத்கார சம்பவம், கோவை கடத்தல் சம்பவம், தர்மபுரி கலவரம் ஆகியவற்றை மையமாக வைத்து படம் உருவாகிறது. பாலியல் குற்றங்கள் பெருக என்ன காரணம்? இதுபோன்ற குற்றங்களில் ஈடுபடும் நபர்கள், சட்டத்தில் இருந்து எப்படி தப்பிக்கின்றனர் என்பது பற்றி அலசும் கதை. யதார்த்தமாக சொல்கிறோம். இவ்வாறு ரவிதம்பி கூறினார்.