ஹீரோக்களுக்காக படம் ஓடுவது இல்லை

சென்னை : அபிஷேக் பிலிம்ஸ் சார்பில் பி.ரமேஷ், டி.இமானுவேல் தயாரிக்கும் படம், ‘நினைத்தது யாரோ’. புதுமுகங்கள் ரிஜித், நிமிஷா, பினீஷ், லியோ, கிரி, ரித்விகா உட்பட பலர் நடிக்கின்றனர். ஒளிப்பதிவு, ஆர்.கே.பிரதாப். இசை, பால்ராஜ். பாடல்கள்: பா.விஜய், கலைக்குமார், வைரபாரதி. படத்தை இயக்கும் விக்ரமன் கூறியதாவது:

இது முழுமையான காதல் கதை. இளைய தலைமுறை ரசிகர்களை மனதில் வைத்து காதல், காமெடி கலந்து உருவாக்கியுள்ளேன். இதன் கதை முன்னணி நடிகர்களை விட, புதுமுகங்களுக்குத்தான் பொருந்தும். யாராக இருந்தாலும் சரி, சினிமாவில் அவர்கள் மார்க்கெட் உயர, கதைதான் காரணம். எவ்வளவு பெரிய ஹீரோவாக இருந்தாலும், கதை இல்லை எனில் ரசிகர்கள் ஒதுக்கி விடுவார்கள். ஆனால், ஹீரோக்கள் தங்களுக்காகவே படம் ஓடுகிறது என்ற தவறான எண்ணத்துடன் இருக்கிறார்கள். வெரைட்டியாக படம் எடுப்பதுதான் பாதுகாப்பு. அது ஆரோக்கியமான சூழலும் கூட. வெற்றிபெற்ற படங்கள் எல்லாமே புதிய யுக்தி கொண்ட படங்கள்தான்.
இவ்வாறு அவர் கூறினார்.