அறிமுகமாகிறார் அனுராதா மகன்

சென்னை : ஹீரோயினாக அறிமுகமாகி, கவர்ச்சி நடிகையாக மாறியவர் அனுராதா. இப்போது குணச்சித்திர வேடத்தில் நடிக்கும் அவர், நடன இயக்குனராகவும் பணிபுரிகிறார். இவரது மூத்த மகள் அபிநயஸ்ரீ, கவர்ச்சி நடனம் ஆடியிருப்பதுடன், முக்கிய வேடங்களிலும் நடிக்கிறார். நடன இயக்குனராகவும் பணியாற்றுகிறார். இதையடுத்து அனுராதா மகன் கெவின், ஹீரோவாக அறிமுகமாகிறார். இதுகுறித்து அனுராதாவிடம் கேட்டபோது, ‘சுப்புராஜ் என்பவர் இயக்கும் ‘என்னை பிடிச்சிருக்கா’ படத்தில் கெவின் ஹீரோவாக அறிமுகமாகிறார். விஸ்காம் படிக்கும் அவன், காதல் கதையில் நடிப்பது சந்தோஷமாக இருக்கிறது’ என்றார்.