நடிகர் சங்கம் மீது விஷால் கோபம்

விஸ்வரூபம் திரைப்படத்தின் வெளியீட்டு விவகாரத்தில் ஏற்பட்ட பிரச்சனையில் நடிகர் விஷால் கமலஹாசனுக்கு ஆதரவாக கருத்து தெரிவித்திருந்தார். இதனால் அதிருப்தி அடைந்த நடிகர் சங்கம் விஷால் விளக்கமளிக்க நோட்டீஸ் அனுப்பியது. இதற்கு பதில் கடிதம் அனுப்பிய விஷால் மற்ற நடிகர்களை போலவே தானும் கமலுக்கு ஆதரவு தெரிவித்திருந்தேன். மாறாக நடிகர் சங்கத்தை ஏதும் விமர்சிக்கவில்லை என தெரிவித்திருந்தார். சி.சி.எல் கிரிக்கெட் போட்டிகள் மூலம் வரும் வருவாயை கூட நலிந்த நடிகர்களுக்கு பெற்று தந்துள்ளோம். ஆனால் தற்போது வெளியான சமர் படத்தில், தமக்கு வரவேண்டிய பாக்கித் தொகையை பெறுவதற்கு நடிகர் சங்கத்தில் புகார் அளித்தும் எந்தவித நடவடிக்கையும் எடுக்கவில்லை என விஷால் புகார் தெரிவித்துள்ளார்.