பிருத்விராஜூக்கு கேரள அரசு விருது

திருவனந்தபுரம் : கேரள அரசின் கடந்த ஆண்டுக்கான சிறந்த சினிமா விருதுகள் நேற்று அறிவிக்கப்பட்டன. விருதுகள் விவரம் வருமாறு:
சிறந்த நடிகர்: பிருத்விராஜ் (படம் , செல்லுலாய்டு)
சிறந்த நடிகை: ரீமா கல்லிங்கல் (படம் , 22 பீமேல் கோட்டயம்)
சிறந்த படம்: செல்லுலாய்டு
சிறந்த இசையமைப்பாளர்: எம்.ஜெயச்சந்திரன் (படம் , செல்லுலாய்டு)
சிறந்த பின்னணி பாடகர்: விஜய் ஜேசுதாஸ் (படங்கள்: கிராண்ட் மாஸ்டர், ஸ்பிரிட்)
சிறந்த புதுமுக இயக்குனர்: பரூக் அப்துல் ரகுமான் (படம் , களியச்சன்)
சிறந்த நகைச்சுவை நடிகர்: சலீம்குமார் (படம் , அயாளும் ஞானும் தம்மில்)
சிறந்த இரண்டாவது நடிகர்: மனோஜ் கே.ஜெயன் (படம் , களியச்சன்)
சிறந்த நடிகர் விருது கிடைத்தது குறித்து பிருத்விராஜ் கூறுகையில், ‘‘கேரள அரசின் சிறந்த நடிகர் விருது கிடைத்தது மகிழ்ச்சியளிக்கிறது. மலையாள சினிமாவின் தந்தையான ஜே.சி.டேனியல் குறித்த சினிமாவில் நான் டேனியலாக நடித்தது, எனது வாழ்க்கையில் மறக்க முடியாத சம்பவமாகும். நான் இதுவரை நல்ல கதைகளை தேர்ந்தெடுத்துதான் நடித்து வருகிறேன். இனிமேல் நல்ல சினிமாக்களில் கூடுதல் கவனம் செலுத்த இதுபோன்ற விருதுகள் எனக்கு உதவியாக அமையும்’’ என்றார்.