ராமேசுவரம் ஸ்ரீ ராமநாத சுவாமி திருக்கோயில் தேரோட்டம்

ராமேசுவரம் அருள்மிகு ராமநாத சுவாமி திருக்கோயிலில் மகா சிவராத்திரித் திருவிழாவை முன்னிட்டு ஞாயிற்றுக்கிழமை தேரோட்டம் நடைபெற்றது.

ராமேசுவரம் அருள்மிகு ராமநாத சுவாமி திருக்கோயிலில் மகா சிவராத்திரி திருவிழா மார்ச் 2ஆம் தேதி கொடியேற்றத்துடன் தொடங்கியது. தொடர்ந்து சுவாமி, அம்மன் வெவ்வேறு வாகனங்களில், பல்வேறு அலங்காரத்தில் தினமும் திருவீதி உலா வந்தனர். விழாவின் முக்கிய நிகழ்ச்சியாக ஞாயிற்றுக்கிழமை தேரோட்டம் நடைபெற்றது. அருள்மிகு ராமநாத சுவாமி பிரியாவிடையுடன் ஒரு தேரிலும், அருள்மிகு பர்வதவர்த்தினி அம்மன் மற்றொரு தேரிலும் ரத வீதிகளில் பவனிவந்தனர்.