கோச்சடையான் படம் பார்த்தார் ரஜினிகாந்த்

ஈராஸ் இன்டர்நேஷனல் வழங்க மீடியா ஒன் க்ளோபல் என்டர்டெயின்மென்ட் நிறுவனம் தயாரிக்கும் படம் 'கோச்சடையான்'. சூப்பர் ஸ்டார் ரஜினிகாந்த், சரத்குமார்,தீபிகா படுகோன், ஜாக்கி ஷேரோப், ஆதி, நாசர், ஷோபனா, ருக்மினி ஆகியோர் நடிக்கும் கோச்சடையான் படத்தின் முழு படப்பிடிப்பும் முடிவடைந்துள்ளது. பிரபல ஆங்கில படங்களான "அவதார்", "டின் டின்" ஆகிய படங்களில் கையாண்ட மோஷன் கேப்சரிங் டெக்னாலஜி முறை சூப்பர் ஸ்டார் ரஜினிகாந்த் நடிக்கும் கோச்சடையான் படத்திலும் பயன்படுத்தப்பட்டுள்ளது.

இன்று காலை "கோச்சடையான்" முழுப்படத்தை சூப்பர் ஸ்டார் ரஜினிகாந்த், இயக்குனர் கே.எஸ் ரவிக்குமார் இருவரும் பார்த்தனர். சூப்பர் ஸ்டார் ரஜினிகாந்த் படத்தை பார்த்து விட்டு, "என் வாழ்க்கையில் கோச்சடையான் ஒரு மைல் கல்லாக அமையும் , மிக பிரமாதமாக வந்திருக்கிறது," என தெரிவித்துள்ளார். படம் குறித்து கே.எஸ் ரவிக்குமார் கூறுகையில், "நான் நினைத்ததை விட பத்து மடங்கு பிரம்மாண்டமாக வந்துள்ளது" என்றார்.

மேலும் கோச்சடையான் படத்தின் இறுதிகட்ட பணிகள் மார்ச் 15-ல் தொடங்க உள்ளது.