இனி நடிப்பு மட்டும்தான்: கோமல் சர்மா

‘இனி நடிப்பில் மட்டுமே கவனம் செலுத்த போகிறேன்’ என்று ஸ்குவாஷ் வீராங்கனை கோமல் சர்மா கூறியுள்ளார். ஸ்குவாஷ் வீராங்கனை கோமல் சர்மா, எஸ்.ஏ.சந்திரசேகரன் இயக்கிய ‘சட்டபடி குற்றம்’ படத்தில் அறிமுகமானார். இப்போது மணிவண்ணன் இயக்கும் ‘நாகராகசோழன் எம்.ஏ, எம்.எல்.ஏ’ படத்தில் நடித்துவருகிறார். அவர் கூறியதாவது: நாகராஜ சோழனில், தமிழ் என்ற கேரக்டரில் நடிக்கிறேன். அப்பா அம்மாவுக்கு அடங்கிய பெண்ணாக வருகிறேன். அதே நேரம் அநீதி கண்டு பொங்கும் வீரத் தமிழச்சியாகவும் வருகிறேன். சீமான் என் தாய்மாமா கேரக்டரில் நடிக்கிறார். இது அமைதிப்படை படத்தின் இரண்டாம் பாகம். அந்த படத்தை சிறு வயதில் பார் த்திருக்கிறேன். அதில் இடம்பெற்ற வசனங்கள் இன்றும் இளமையாக இருப்பது ஆச்சரியம்தான். சவாலான கேரக்டர்களில் நடிக்கும் ஆசை இருக்கிறது. அப்படியொரு வாய்ப்புக்கு காத்துக்கொண்டிருக்கிறேன். தெலுங்கில் ‘அனு’ என்ற படத்தில் நடித்து வருகிறேன். தொடர்ந்து மாடலிங், சினிமா என்று இருப்பதால் விளையாட்டுக்கு நேரம் ஒதுக்க முடியவில்லை. அதனால் நடிப்பில் மட்டுமே கவனம் செலுத்த இருக்கிறேன். இவ்வாறு கோமல் சர்மா கூறினார்.