புது ஹீரோ மீது அஞ்சலி அக்கறை

புதுமுக நடிகர் மீது அக்கறை எடுத்துக்கொண்ட அஞ்சலி அவருக்கு நடிப்பு டிப்ஸ் கொடுத்தார். ‘கஜினி‘, ‘ஏழாம் அறிவு‘ படங்களை இயக்கிய ஏ.ஆர்.முருகதாஸ் ஏற்கனவே எங்கேயும் எப்போதும் என்ற படம் தயாரித்தார். அடுத்து தயாரிக்கும் படம் ‘வத்திக்குச்சி‘. அவரிடம் உதவி இயக்குனராக பணிபுரிந்த கின்ஸ்லின் இயக்குகிறார். இசை ஜிப்ரான். ஒளிப்பதிவு குருதேவ். முருகதாஸ் தம்பி திலீபன் ஹீரோவாக அறிமுகமாகிறார். இதுபற்றி திலீபன் கூறும்போது,‘ஷேர் ஆட்டோ டிரைவராக என்னை நடிக்க இயக்குனர் கின்ஸ்லின் கேட்டதும் ஏற்றுக்கொண்டேன். உடனடியாக கூத்துப்பட்டறையில் சேர்ந்து பயிற்சி பெற்றேன்.

1 வருடம் ஷேர் ஆட்டோ டிரைவர்களுடனே இருந்து அவர்களுடன் பழகினேன். தினமும் 2 மணி நேரம் ஷேர் ஆட்டோ ஓட்ட கற்றேன். இது நல்ல அனுபவம். எனது அண்ணன் தயாரிக்கும் படம் என்பதால் எந்த சலுகையையும் எதிர்பார்க்கவில்லை. நடிக்க செல்லும்முன் என்னை அழைத்து, ‘நம்பிக்கையும் கடின உழைப்புமே வெற்றி தரும்‘ என்றார் முருகதாஸ். ஹீரோயின் அஞ்சலி என் மீது அக்கறை எடுத்துக்கொண்டார். காட்சியை உள்வாங்கி எப்படி எளிதாக நடிப்பது என்று நிறைய டிப்ஸ் கொடுத்தார். சில சமயம் காட்சி திருப்தியாக அமையாதபோது ரீடேக் எடுக்கவும் உடனடியாக ஒப்புக்கொள்ள வேண்டும் என்றும் கூறினார். அது பயனுள்ளதாக இருந்தது என்றார்.