உதயதாரா ஷூட்டிங்கில் கேமரா உடைந்தது

முரளி, தினேஷ்பாபு, கங்கேஷ், உதயதாரா, அக்ஷதா நடிக்கும் படம் ‘பிரம்மபுத்ரா’. இப்படம் பற்றி இயக்குனர் தாமஸ் கூறும்போது, ‘உண்மையான நட்பு எப்படி இருக்கும் என்பதே கதை கரு. இதன் ஷூட்டிங் சமீபத்தில் ஈசிஆர் பகுதியில் நடந்துகொண்டிருந்தது. ஜிம்மி ஜிப் கிரேனில் ரூ.15 லட்சம் மதிப்புள்ள 435 கேமராவை பொருத்தி ஷூட்டிங் நடத்திக் கொண்டிருந்தோம். அது சரியாக பொருத்தப்படாமல் இருந்ததால் திடீரென்று தரையில் விழுந்து உடைந்தது. இதனால் ஷூட்டிங் தடைபட்டது. உதவியாளர் ஒருவர் செய்த தவறால் இந்த சம்பவம் நடந்தது. இதனால் பயந்துபோன உதவியாளர் கதறி அழத் தொடங்கினார். அதன்பிறகு வேறு கேமராவை வரவழைத்து ஷூட்டிங் நடத்தப்பட்டது. மோகன்.ஜே ஒளிப்பதிவு. சுனில் சேவியர் இசை. கோல்டன் மீடியா, நிலா எண்டர்பிரைசஸ் தயாரிப்பு. இப்படத்தின் ஆடியோ இம்மாத இறுதியில் ரிலீஸ் ஆகிறது’ என்றார்.