நான் காமெடி நடிகை இல்லை

சென்னை : சோனியா அகர்வால் சவுண்ட் கேரேஜ் என்ற பெயரில் இசைப்பள்ளி நடத்தி வருகிறார். இதன் முதலாம் ஆண்டு விழா நடந்தது. பள்ளியில் படித்த மாணவர்கள் தங்கள் திறமையை வெளிப்படுத்தினார்கள். விழாவில் பாடகி சின்மயி, கணேஷ் வெங்கட்ராம் உட்பட பலர் கலந்து கொண்டனர். பின்னர் சோனியா அகர்வால் நிருபர்களிடம் கூறியதாவது:

எனக்கும் இசைக்கும் சம்பந்தம் இல்லை. ஆனால் இசை ரசிகை. எனது அண்ணன் முறைப்படி இசை கற்றவர். அவர்தான் இந்தப் பள்ளியை நடத்துகிறார். நான் அவருக்கு உதவியாக இருக்கிறேன். தற்போது சென்னையில் உள்ள பள்ளியில் 80 மாணவர்கள் படிக்கிறார்கள். இந்த பள்ளியை பெங்களூர், ஐதராபாத்துக்கு விரிவு படுத்தும் எண்ணம் இருக்கிறது. தற்போது, ‘பாலக்காட்டு மாதவன்’ படத்தில் விவேக் ஜோடியாக நடிக்கிறேன். காமெடி படம் என்றாலும் நான் காமெடி நடிகை இல்லை. ஹீரோயினாகத்தான் நடிக்கிறேன்.