ஜெருசலெத்தில் 10 பெண்கள் இஸ்ரேலிய போலிசாரால் கைது

ஜெருசலெத்திலுள்ள மிகப் பழமையான நகரில் அமைந்துள்ள யூதர்களின் மிகப் புனிதத் தலங்களில் ஒன்றான மேற்குச் சுவர் பகுதியில் 10 பெண்களை இஸ்ரேலிய பொலிசார் கைதுசெய்துள்ளனர்.

யூதர்கள் பிரார்த்தனை செய்யும் போது அணிகின்ற சால்வை- மேலங்கியை அணிந்திருந்தமையே அவர்கள் மீதான குற்றச்சாட்டு.
தொடர்புடைய விடயங்கள்

துஷ்பிரயோகம்,
மனித உரிமை,
உலகம்

மேற்குச் சுவர் பிரதேசம் கடுமையான யூதமதச் சட்டங்களின் கட்டுப்பாட்டில் இருக்கிறது.

அந்தச் சட்டதிட்டங்களின்படி, பிரார்த்தனைக்கான சால்வை- மேங்கியை பெண்கள் அணிவதோ அல்லது பொது இடமொன்றில் மத வாசகங்களை வாசிப்பதோ தடுக்கப்பட்டுள்ளன.

இதேவேளை, எல்லா யூதர்களும் பால் வேறுபாடின்றி கடவுளை பிரார்த்திக்க உரித்துடையவர்கள் என்று கைதாகியுள்ள பெண்ணொருவர் கூறியுள்ளார்.

மேற்குச் சுவர் பகுதியில் பெண்கள் அமைப்பொன்று மாதாந்த பிரார்த்தனைக் கூட்டங்களை நடத்திவருகிறது.

பல பெண்கள் இதற்கு முன்னரும் கைதாகி குற்றச்சாட்டுக்கள் எதுவுமின்றி விடுதலையாகியுள்ளமை குறிப்பிடப்பட்டுள்ளது.