ஹாங்காங்கில் கோச்சடையான்

பட்ஜெட்டுக்கு தகுந்தபடி பறந்து பறந்து கோச்சடையான் படப்பிடிப்பை நடத்துகிறார் சௌந்தர்யா. முதலில் லண்டன். பிறகு திருவனந்தபுரம். இப்போது மூன்றாம்கட்டப் படப்பிடிப்பு ஹாங்காங்கில்.

கோச்சடையான் மன்னர் கதை என்கிறார்கள். ஆனால் ரஜினி சிவன் கெட்டப்பில் இருக்கிறார். இவரும் தீபிகா படுகோனும் இடம்பெற்ற பரதநாட்டியம் ஒன்றை படமாக்கியிருக்கிறார்கள். ஆமாம், ரஜினி பரதநாட்டியம் ஆடியிருக்கிறார். இது திருவனந்தபுரத்தில் படமாக்கப்பட்டது. இப்போது ஹாங்காங்.

தமிழக மன்னர் கதைக்கு ஹாங்காங் செல்ல வேண்டியது இல்லை என்பதால் கோச்சடையான் கதையின் மர்ம முடிச்சு மேலும் இறுகுகிறது. படப்படிப்புக்காக ஒரு நாள் முன்பே ஹாங்காங் சென்றுவிட்டார் ரஜினி. அடுத்து தீபிகாவும் செல்கிறார். எட்டு தினங்கள் படப்பிடிப்பு நடக்கும் என தெரிகிறது.

செப்டம்பரில் கோச்சடையான் திரைக்கு வருகிறது.