உருமி - ஒரு டப்பிங் சாதனை

பிறமொழிப் படத்தை தமிழில் மொழிமாற்றம் செய்யும் போது ஏதோ தமிழில் புதிதாக படத்தை எடுத்தது போல் பில்டப் செய்வதெல்லாம் கோடம்பாக்கத்தில் சகஜம். சித்தார்த் நடித்த ஓ மை ஃப்ரெண்ட் தெலுங்குப் படம் ஸ்ரீதர் என்ற பெய‌ரில் தமிழில் வெளியாகிறது. இந்தப் படத்தின் ஷூட்டிங் இப்போதுதான் அமெ‌ரிக்காவில் நடப்பது போல் செய்தி தருகிறார்கள்.

உருமியும் மலையாள டப்பிங். இதற்கும் தமிழ் சாயல் பூசும் வேலை நடக்கிறது. சந்தோஷ் சிவன் இயக்கியிருக்கும் இந்தப் படம் வரும் 25ஆம் தேதி தமிழில் வெளியாகிறது. சாதாரணமாக இல்லை... பிரமாண்டமாய்.

மொத்தம் 250 திரையரங்குகளில் உருமி வெளியாகிறது. எந்தவொரு டப்பிங் படமும் இவ்வளவு அதிக திரையரங்குகளில் வெளியான ச‌ரித்திரமில்லை. உருமிக்கு மட்டும் இது எப்படி சாத்தியமானது?

உருமியை தமிழில் வெளியிடுகிறவர் தாணு. பாடத்தின் பட்ஜெட்டில் பாதியளவுக்கு விளம்பரம் செய்திருக்கிறார். இதுவொரு காரணம். இன்னொரு காரணம் இவர்தான் முருகதாஸ், விஜய் கூட்டணியின் துப்பாக்கியை தயா‌ரித்திருக்கிறார். உருமியை வாங்க மறுத்தால் துப்பாக்கி சுட்டுடுமோ என்கிற பயமும் ஒரு காரணம்.

உருமியில் பிருத்விரா‌ஜ், ஜெனிலியா, வித்யாபாலன், தபு, பிரபுதேவா, நித்யாமேனன் என்று பெரும் நட்சத்திரப் பட்டாளமே நடித்துள்ளது.
உருமி டப்பிங், தயாரிப்பாளர் தாணு