சரக்கு இல்லாத மதுபான கடை

டாஸ்மாக் காட்சி இல்லாமல் இப்போது யாரும் படமே எடுப்பதில்லை. சமீபத்தில் வெளிவந்து ஓடிக் கொண்டிருக்கும் கலகலப்பு படத்தில் சிவா ஒரு வசனம் பேசுவார். பொண்ணுங்களை திருப்திப்படுத்த லிப்ஸ்டிக், மைன்னு நிறைய வேணும். ஆம்பளைக்கு ஒரு குவாட்டரும் ரெண்டு வாட்டர் பாக்கெட்டுமே போதும். சொல்லி முடித்ததும் திரையரங்கு அதிர கைத்தட்டல். இந்த டாஸ்மாக்கையே முக்கிய கதாபாத்திரமாக்கினால்..?

கமலக்கண்ணனுக்கு அப்படியொரு ஐடியா தோன்றி எடுத்திருக்கும் படம்தான் மதுபான கடை. பெயரை இப்படி வைத்துவிட்டு கதைக்காக கடையைவிட்டு வெளியே போக முடியுமா? மதுபான கடைக்கு வரும் கேரக்டர்கள்தான் படம் முழுக்க. மற்றபடி கதைன்னு என் படத்தில் எதையும் தேடாதீங்க என்று கறாராக சொல்லிவிட்டார்.

படத்தின் ட்ரெய்லரும், பாடலும் பட்டையை கிளப்புகின்றன. இனி டாஸ்மாக்கில் இந்தப் பாடலை எப்போதும் கேட்கலாம்.