ராஜேஷ் கன்னா காலமானார்

பிரபல ஹிந்தித் திரைப்பட நடிகர் , ராஜேஷ் கன்னா காலமானார்.

அவருக்கு வயது 69.
சமீபகாலமாக நோய்வாய்ப்பட்டிருந்த ராஜேஷ் கன்னா இரண்டு நாட்களுக்கு முன்னர்தான் மும்பை மருத்துவமனை ஒன்றிலிருந்து வீட்டுக்கு அனுப்பப்பட்டிருந்தார்.

1960களின் மத்தியில் தனது திரையுலக வாழ்க்கையைத் தொடங்கிய ராஜேஷ் கன்னா, 1970களில் ஹிந்தி திரையுலகின் மிகப் பிரபலமான நடிகரானார். சுமார் 160க்கும் மேற்பட்ட படங்களில் அவர் நடித்திருந்தார்.
காதல் பாத்திரங்களில் நடித்து பிரபலமான அவர் நடித்து 1969ல் வெளிவந்த " ஆராதனா" திரைப்படம் மிகப்பெரிய வெற்றியைப் பெற்றது நினைவிருக்கலாம்.

ராஜேஷ் கன்னா 1992ல் புது தில்லி நாடாளுமன்றத் தொகுதி இடைத்தேர்தலில் காங்கிரஸ் வேட்பாளராகப் போட்டியிட்டு வென்றார்.