ஊழலை எதிர்க்கும் கமல்ஹாசன்

தமிழ்நாட்டில்தான் கமல் வாய் திறப்பதில்லை. வடஇந்திய சானல்களுக்கும் பத்திரிகைகளுக்கும் பேட்டி தந்து கொண்டுதான் இருக்கிறார். அவற்றைப் பார்த்துதான் அவரை அப்டேட் செய்ய வேண்டியிருக்கிறது.

விஸ்வரூம் படத்துக்குப் பிறகு ஆஸ்கர் பிரிம்ஸ் தயாரிப்பில் 'தலைவன் இருக்கின்றான்' படத்தில் கமல் நடிப்பதாகச் சொல்லிக் கொண்டிருக்கிறோம். ஆனால் இந்தியில் தயாராகும் 'அமர் ஹை' படத்தில் நடிப்பதாக கமல் கூறியிருக்கிறார். ஊழல் எதிர்ப்பை மையமாகக் கொண்ட இந்தப் படம் தலைவன் இருக்கின்றான் படத்தின் இந்திப் பதிப்பாகவும் இருக்கலாம்.

இந்தப் படத்தில் நடிக்க சல்மான் கான், ஷாருக் கான் என கான்களை தேடியதாகவும், ஜாக்கிசானிடம் கமல் கால்ஷீட் கேட்க இருப்பதாகவும் கற்பனையில் செய்தி வெளியிட்டனர். இதனை கமல் மறுத்துள்ளார்.

என்னுடைய படத்தை விற்க சல்மான்கானோ, ஷாருக்கானோ இல்லை ஜாக்கிசானோ, டாம் குரூஹோ தேவையில்லை என்று காட்டமாக பதிலளித்துள்ளார் கமல். தான் சேர்ந்து நடிக்க ப்ரியப்பட்ட ஒரே நடிகர் திலீப் குமார் மட்டுமே என்றும் அவர் தெரிவித்துள்ளார்.

சிவாஜியை விட்டுட்டீங்களே.
ஊழல் கமல்ஹாசன்