சாமியார்களுடன் தனுஷ்

வாரணாசி பின்னணியில் சாமியார்கள் புடைசூழ தனுஷ் அமர்ந்திருக்கும் புகைப்படத்தை முதலில் பார்த்த போது பக்கென்றிருந்தது. மாமனார் ர‌ஜினிகாந்தை போல அமைதி தேடி சாமியார்கள் சங்கத்தில் செட்டிலாகிவிட்டாரா? அப்படியெல்லாம் இல்லையாம். இது அவ‌ரின் முதல் இந்திப் படமான ரான்ஜனாவில் இடம் பெறும் ஒரு காட்சியாம்.


தனு வெட்ஸ் மனுவை இயக்கிய ஆனந்த் தான் இந்தப் படத்தையும் இயக்குகிறார். ரா‌ஜ்கபூர், நர்கீஸ் காதலை மையமாக வைத்து இந்தப் படத்தை அவர் உருவாக்குவதாக ஒரு ரூமர் உள்ளது. சோனம் கபூர் தனுஷின் ஜோடியாக நடிக்கிறார்.

இந்தப் படத்தின் சில புகைப்படங்களை புரமோஷனுக்காக வெளியிட்டிருக்கிறார்கள். அதில் ஒன்றுதான் இந்தப் புகைப்படம். தற்போது இந்த இந்திப் படத்துடன் பரத்பாலாவின் ம‌‌ரியான் படத்திலும் தனுஷ் நடித்து வருகிறார்.