பில்லா 2 - அடி மேல் அடி

எல்லாம் நன்றாகத்தான் போய்க் கொண்டிருந்தது. எப்போது சென்சார் ஏ சான்றிதழ் தந்ததோ அப்போது பிடித்தது சனி. ‌ரிலீஸ் தேதி தள்ளிப் போனது, விநியோகஸ்தர்களின் அதிருப்தி என்று பில்லா 2 வுக்கு அடி மேல் அடி. இப்போது மேலுமொரு பலத்த அடி.

பில்லா 2 வின் ட்ரெய்லர் இன்று மாலை அண்ணா நூற்றாண்டுவிழா நூலகத்தில் பிரமாண்டமாக நடப்பதாக இருந்தது. படத்தின் நாயகி ஓமனக்குட்டன் இந்த விழாவில் கலந்து கொள்ள வெகு ஆவலாக இருந்தார். படத்தின் மைனஸை இந்த பிரமாண்ட விழா துடைத்தெறியும் என நம்பினர்.

ஆனால் நடந்தது வேறு. இன்று விழாவே நடக்கப் போவதில்லை என்றொரு தகவல் வெளியாகியுள்ளது. பட வியாபாரத்தில் தயா‌ரிப்பாளருக்கும், விநியோகஸ்தர்களுக்கும் ஏற்பட்ட கருத்து வேறுபாடு காரணமாக விழா கேன்சல் செய்யப்பட்டதாக கூறப்படுகிறது.

அதேபோல் பட வெளியீடும் ஜூலை 13 லிருந்து இன்னும் சில நாட்கள் தள்ளிப் போக வாய்ப்புள்ளது.
பில்லா 2 அஜித்