பாலாவின் தலைகீழ் மாற்றங்கள்

கள் போட்டு பன்மையில்தான் பேச வேண்டியிருக்கிறது. பாலாவின் பரதேசி படத்தில் இதுவரை பார்க்காத பல மாற்றங்கள்.


இளையராஜாவைப் பற்றி பாலா சொன்னவைகளை நினைத்துப் பார்த்தால் அவர் இளையராஜா இல்லாமல் படமே எடுக்க மாட்டார் என்றுதான் தோன்றும். ஆனால் பரதேசியில் அவர் ‌ஜி.வி.பிரகாஷை பயன்படுத்தியிருக்கிறார். பழைய செய்திதான், ஆனால் அடுத்து நடந்திருப்பது இனிய அதிர்ச்சி.

இளையராஜா, யுவன் ஷங்கர் ராஜா என்று சுற்றி வந்ததால் இதுவரை பாலா படத்துக்கு வைரமுத்து பாடல் எழுதியதில்லை. முதல்முறையாக பரதேசியில் வைரமுத்துவை பாலா பயன்படுத்தியிருக்கிறார். ஆம், ஒரு பாடலை எழுதியிருப்பது வைரமுத்து.

பாடலுக்கான காட்சிகளை ஷூட் செய்து வந்து அதற்குப் பிறகு ட்யூன் போடுவது பாலாவின் ஸ்டைல். அந்த வேலைகள் தற்போது நடந்து வருகின்றன. பாலாவின் படங்களில் தொடர்ந்து எழுதிவரும் நா.முத்துக்குமாரும் பரதேசியில் பாடல் எழுதியிருக்கிறார். செப்டம்ப‌ரில் படம் திரைக்கு வருகிறது.