காவியதலைவன் - வசந்தபாலனின் புதிய படம்

அரவான் படத்துக்குப் பிறகு வசந்தபாலன் என்ன செய்யப் போகிறார் என்று - அரவான் ஃப்ளாப்பான பிறகும் எதிர்பார்க்கத்தான் செய்கிறார்கள். வெயில், அங்காடித்தெரு தந்தவரல்லவா. நீண்ட நாட்கள் எதை படமாக்கலாம் என்று யோசித்து கடைசியில் ஒரு முடிவுக்கு வந்திருக்கிறார். கதை கன்ஃபார்ம் ஆகியிருக்கிறது போல.

தனது புதிய படத்துக்கு காவியதலைவன் என்று பெயர் வைத்திருக்கிறார். விஜயகாந்த் இதே பெய‌ரில் ஒரு படம் பண்ணியிருக்கிறார். வயித்தைக் கலக்க இதைவிட ஒரு செய்தி இருக்க முடியாது.

இந்தக் காவியதலைவனை ஒய் நாட் ஸ்டுடியோ தயா‌ரிக்கிறது. குண்டக்க மண்டக்க படங்களில் மட்டுமே ஆர்வம் காட்டுகிறவர்கள். தமிழ்ப்படம், வ குவாட்டர் கட்டிங்கெல்லாம் இவர்கள் கைவ‌ரிசைதான். பாய்ஸ் பட ஹீரோ சித்தார்த் ஹீரோ.

படத்தின் கதை, ஹீரோயின் எல்லாம் யார், என்ன என்பதை அறிய இன்னும் கொஞ்ச நாள் பொறுத்திருங்கள்.