மகிழ்ச்சியில் மாற்றான் டீம்

இருவன் துருவன் என்றெல்லாம் ஒட்டிப் பிறந்த இரட்டையர்கள் பற்றி படம் வந்த போது கவலைப்படாத மாற்றான் டீம் சாருலதாவை மட்டும் வேறு பார்வையோடு பார்த்தது. ப்‌ரியாமணி நடித்த படம், தொழில்நுட்பத்திலும் தாய்லாந்து அலோனை காப்பியடித்திருப்பார்கள், படத்தை வெளியிடுவது வேறு பழம் தின்று கொட்டையையும் உறிஞ்சுகிற சக்சேனா அண்ட் கோ... பீதி நியாயம்தானே.

சாருலதாவின் வெளியீட்டை மற்ற எல்லோரையும்விட மாற்றான் டீம்தான் அதிகம் எதிர்பார்த்தது. காட்சிகளில் ஒற்றுமை இல்லாவிட்டாலும் தொழில்நுட்பத்தில் தூக்கி அடித்தால் மாற்றானுக்கு இழப்புதானே.

ஆனால் தொழில்நுட்பத்தில் சாருலதா வெறும் சருகுலதா. மாற்றானில் இதைவிட பிரமாதமாக கையாண்டிருக்கிறார்களாம். படம் பார்த்த ஒவ்வொரு மாற்றானும் பீர் அடித்து கொண்டாடுகிறார்கள். அடுத்த மாதம் 12ஆம் தேதி மாற்றான் வெளியாகும் போது சாருலதாவின் நிழல்கூட ரசிகனின் மனதில் தங்காது, அயன் மாதி‌ரியே அடித்து தூள் கிளப்பலாம் என்ற தெம்பு மாற்றான் டீமுக்கு வந்திருக்கிறது.

ஒருவனின் இழப்பு இன்னொருவ‌ரின் மகிழச்சி... அப்பவே ச‌ரியாதான் சொல்லியிருக்காங்க.