அ‌‌ஜீத் ஜோடி அனுஷ்கா?

தான் நடிக்கும் படத்தைப் பற்றியே வாய் திறக்காதவர் அ‌‌ஜீத். ஆனால் அவரைச் சுற்றி வதந்திக்கு மட்டும் குறைவில்லை.

விஷ்ணுவர்தனின் பெய‌ரிடப்படாதப் படத்தில் நடித்து வருகிறவர் அடுத்து விஜயா வாஹினிக்கு கால்ஷீட் தந்திருக்கிறார். இவர்கள் தயா‌ரிப்பில் அ‌ஜீத்தை இயக்கப் போகிறவர் என்று சிறுத்தை சிவாவை கைகாட்டுகிறார்கள். ரொம்ப காலத்துக்கு முன் இருவரும் நே‌ரில் சந்தித்துக் கொண்டது அனைவருக்கும் தெ‌ரிந்திருக்கும். ஆனால் அதன் பிறகு...?

சிவா சொன்ன கதையில் திருப்தியில்லாமல் அ‌‌ஜீத் திருத்தி எழுதச் சொன்னதாகவும், அதன்படி சிவா கதையை மாற்றி ஏறக்குறைய ஸ்கி‌ரிப்டை முடித்துவிட்டதாகவும், டிசம்ப‌ரில் படப்பிடிப்பு தொடங்கும் எனவும் நம்பத்தகுந்த வட்டாரங்கள் தெ‌ரிவிக்கின்றன. இந்தப் படத்தில் அனுஷ்காவை அ‌‌ஜீத் ஜோடியாக்க முயற்சிகள் நடப்பதாகவும் தெ‌ரிகிறது.

விஷ்ணுவர்தனின் படம் முடிந்த பிறகு இந்த வருட கடைசியில் சிவா இயக்கும் படம் தொடங்கப்படலாம்.