ஜெயம் ரவியுடன் மோதும் நாதன் ஜோன்ஸ்

ட்ராய் படத்தில் போருக்கு இரு தரப்பும் தயாராக இருக்கும். அப்போது போரை தவிர்க்க ஒரு ஏற்பாடு செய்யப்படும். இரு தரப்பிலும் உள்ள சிறந்த வீரர்களை மோதவிடுவது. இதில் யார் ஜெயிக்கிறார்களோ அவர்களின் தரப்பு வெற்றி பெற்றதாக அர்த்தம்.


எதி‌ரி தரப்பில் ஏழடி உயர நாதன் ஜோன்ஸ். இந்தப் பக்கம் கட்டுமஸ்தான ஆனால் ஜோன்ஸுடன் ஒப்பிட்டால் எலிக்குஞ்சாக‌‌த் தெ‌ரியும் பிராட் பிட். அவர்தான் ட்ராயின் கதாநாயகனான அக்கிலிஸ். உறுமி செருமிக் கொண்டு ஆவேசமாக வரும் ஜோன்ஸை எம்பி குதித்து கழுத்தில் கத்தியை இறக்கி ஒரே நொடியில் சாகடிப்பார் பிட்.

அந்த பிரமாண்ட மல்யுத்த வீரர் ஜெயம் ரவியுடன் மோதயிருக்கிறார்.

பூலோகம் படத்தில் ஜெயம் ரவி குத்துச் சண்டை வீரராக நடித்து வருகிறார் அல்லவா. அவரது வேகத்துக்கு இங்குள்ள வீரர்கள் பத்தவில்லை போலிருக்கிறது. அதுதான் நாதன் ஜோன்ஸ். கிளைமாக்ஸிலா இல்லை இடைவேளைக்கா தெ‌ரியவில்லை ஜோன்ஸ் என்ற மாமிச மலையை ஜெயம் ரவி மோதி சாய்க்கப் போகிறார்.

காமெடியா இருக்கப் போகுது.