தமிழுக்கு வரும் பியூட்டிஃபுல்

மலையாளப் படங்கள் தமிழில் ‌ரிமேக் செய்யப்படுவது அபூர்வம். மோகன்லாலின் ராஜாவின்டெ மகன் மக்கள் என் பக்கம் என்ற பெய‌ரில் ‌ரீமேக் செய்யப்பட்டது. மம்முட்டியின் ஆவநாழி கடமை கண்ணியம் கட்டுப்பாடு என்ற பெய‌ரில் ‌ரீ௦மேக்கானது. மலையாள இயக்குனர்கள் பாசில், ப்‌ரியதர்ஷன், சித்திக் போன்றவர்கள் தங்கள் படங்களை தமிழில் ‌ரீமேக் செய்ததை தவிர்த்துப் பார்த்தால் மலையாளம் தமிழில் ‌ரீமேக்கானது சொற்பம்.

ட்ராஃபிக் படத்தை சென்னையில் ஒரு நாள் என்ற பெய‌ரில் தற்போது ‌ரீமேக் செய்து வருகின்றனர். லால், ஸ்வேதா மேனன் நடித்த சால்ட் அண்ட் பெப்பர் படத்தின் ‌ரீமேக் உ‌ரிமையை பிரகாஷ்ரா‌ஜ் வாங்கியுள்ளார். ஆனால் ‌ரீமேக் வேலைகள் இன்னும் தொடங்கப்படவில்லை.

இந்நிலையில் 2011ல் வெளியான சூப்பர்ஹிட் படமான பியூட்டிஃபுல்லை தமிழில் ‌ரீமேக் செய்கின்றனர். இதில் ஜெயசூர்யா கழுத்துக்கு கீழ் செயல்பாடு இல்லாத நோயாளியாக நடித்திருந்தார். பணக்காரர், வாழ்வை சந்தோஷமாக கொண்டாட வேண்டும் என்ற கொள்கையுடையவர். கேரளாவில் பெ‌ரிய வெற்றியை‌ப் பெற்ற இந்தப் படத்தை தமிழில் ‌ரீமேக் செய்யவுள்ளனர். இதன் ‌‌ரீமேக் உ‌ரிமையை வாங்கியிருப்பவர் முன்னாள் வெள்ளி விழா நாயகன் மோகன் என்பது குறிப்பிடத்தக்கது.
பியூட்டிஃபுல் தமிழ் ரீமேக், மோகன்