தமிழுக்கு வரும் அட்வென்ஜர்ஸ் இன் சீக்ரெட் வேர்ல்ட்

ஹாலிவுட்டின் மிகப்பெ‌ரிய சந்தை இந்தியா. அமெ‌ரிக்காவில் வெளியாகி பல மாதங்கள் ஆன பிறகு இந்தியாவில் வெளியான காலம் போய் அங்கு வெளியாகும் முன்பே பல ஹாலிவுட் படங்கள் இந்தியாவில் வெளியாகின்றன. அப்படியொரு படம் அட்வென்ஜர்ஸ் இன் சீக்ரெட் வேர்ல்ட்.

படத்தின் பெயரை வைத்தே குழந்தைகளை குறிவைக்கும் ஒரு அமெச்சூர் படம் இது என்பது விளங்கிவிடும். ஜுராஸிக் பார்க்கிற்குப் பிறகு டைனோசர்ஸை வைத்து வெளியாகும் நூற்றி ஒன்றாவது படம் இது.


மனிதர்களும், டைனோசர்களும் ஒரு தீவில் சேர்ந்து வாழ்கிறார்கள். அவர்களுக்கு ஒளி தருவது சூ‌ரியகாந்தி மணி எனப்படும் ஒருவகை வினோத மணி. அது காலாவதியாக கடலுக்கடியில் புதைந்திருக்கும் சூ‌ரியகாந்தி மணியை கொண்டு வர கிளம்புகிறார்கள் நமது இரு ஹீரோக்கள். படத்தின் கதை, காட்சி, அதன் போக்கு எல்லாம் இப்போது பிடிபட்டிருக்கும்.

இந்தப் படத்தை ரகசிய தீவு என்ற பெய‌ரில் தமிழில் வெளியிடுகிறார்கள். குழந்தைகளை அவுட்டிங் கொண்டு செல்ல விரும்புகிறவர்களுக்கு இந்த தீவு நல்ல சாய்ஸ்.