பீட்சா - விஜய்யை முந்திய சன்

பெ‌‌ரிய படங்கள் என்றால் சன், ஜெயா, கலைஞர். கொஞ்சம் வித்தியாசமான படமாக இருந்தால் விஜய். இப்படிதான் சேட்டிலைட் உ‌ரிமை வாங்கப்பட்டு வந்தது. இந்த எல்லைக் கோட்டை இல்லாமல் செய்துள்ளது சன் தொலைக்காட்சி.

நாளை வெளியாகவிருக்கும் பீட்சா படம் ஒரு ரொமாண்டிக் த்‌ரில்லர். அதிகம் அறிமுகமில்லாத நட்சத்திரங்கள், தொழில்நுட்பக் கலைஞர்கள். படத்தின் தீமும் வித்தியாசமானது. இப்படி விஜய் டிவி வாங்குவதற்கான அனைத்து அம்சங்களும் கொண்ட பீட்சாவின் சேட்டிலைட் உ‌ரிமையை சன் லபக்கியிருக்கிறது. இதேபோன்று சன் கைப்பற்றிய இன்னொரு படம் நடுவுல கொஞ்சம் பக்கத்தை காணோம்.

விஜய், சூர்யா போன்ற ஸ்டார்களின் படங்களில் கோட்டைவிட்டாலும் கலகலப்பு, சுந்தரபாண்டியன் என்று ஹிட்டடித்த படங்களை தன் பக்கம் வளைத்துள்ளது சன். தீபாவளி சேட்டிலைட் போட்டியில் இப்போதைக்கு சன் முதலிடத்தில் உள்ளது.
பீட்சா, சன் டிவி, விஜய் டிவி