நயன்தாரா நடிக்கும் ராஜா ராணி - கமல் தொடங்கி வைத்தார்

ஷங்க‌ரின் முன்னாள் அசிஸ்டெண்ட் அட்லீ இயக்கும் படத்துக்கு கடைசியில் ஒரு நல்ல பெயராக கண்டு பிடித்திருக்கிறார்கள். ராஜா ராணி.

எங்கேயும் எப்போதும் படத்தை இணைந்து தயா‌ரித்த ஏ.ஆர்.முருகதாஸ், பாக்ஸ் ஸ்டார் ஸ்டுடியோ இணைந்து ராஜா ராணியை தயா‌ரிக்கிறார்கள். ஆர்யா, ஜெய், நயன்தாரா நடிக்கிறார்கள். நயன்தாராவுடன் டூயட் பாடப் போகிறேன், அதை நினைத்தால் தூக்கமே வரவில்லை என்று ஜெய் ஜன்னி வராமலே புலம்பியது இந்தப் படத்தைதான்.

இன்று காலை சென்னையில் படப்பிடிப்புடன் ராஜா ராணியை தொடங்கினார்கள். முதலில் நயன்தாரா, ஜெய்யின் பாடல் காட்சி. இவர்கள் ஜோடி என்றால் ஆர்யா? என்றொரு துணைக்கேள்வி வரும். ஆர்யாதான் ஹீரோ. இது முக்கோண காதல் கதையாம். கமல்ஹாசன் கேமராவை ஆன் செய்து படப்பிடிப்பை தொடங்கி வைத்தார். அவரை முருகதாஸும், ஜெய்யும், அட்லீயும் வரவேற்றனர்.

ஆர்யா மும்பையில் சேட்டை படப்பிடிப்பில் இருப்பதால் வரவில்லை. ‌ஜி.வி.பிரகாஷ் ராஜா ராணிக்கு இசையமைக்கிறார்