இதிகாசத்தை இயக்கும் சுரேஷ் கிருஷ்ணா

சத்யா, பாட்ஷா என்று விண்ணுக்கும் ஆளவந்தான், பாபா என்று மண்ணுக்கும் தாவிய சுரேஷ் கிருஷ்ணா இப்போது சின்னத்திரையின் செல்லக்குழந்தை. நெடுந்தொடர் இயக்குகிறார். ஒருவகையில் ஆயுள் கைதி.

இனி சின்னத்திரைதான் சரணம் என்ற முடிவுக்கு வந்திருப்பார் போலிருக்கிறது, தனது அடுத்த புராஜெக்டையும் விரைவில் தொடங்குகிறார்.

தொலைக்காட்சி ஒன்றுக்காக மகாபாரதம் கதையை தொடராக எடுக்கயிருக்கிறார். பெரும் பொருட் செலவில் தயாராகவிருக்கும் இந்தத் தொடர் சுரேஷ் கிருஷ்ணாவை சின்னத்திரையில் நிரந்தரமாக சிறை வைக்கும் என்றே தோன்றுகிறது. இப்படியே பேரரசு போன்றவர்களும் ராமாயணம், பஞ்ச தந்திர கதைகள் என்று சின்னத்திரையில் செட்டிலானால் எவ்ளோ ந‌ல்லாயிருக்கும்.
சுரேஷ் கிருஷ்ணா, டிவி தொடர்