திரையரங்கு உ‌ரிமையாளர்களுக்கு கமல் வேண்டுகோள்

ஆரோ 3டி சவுண்ட் சிஸ்டத்தில் விஸ்வரூபம் தயாராகியிருக்கிறது. ஆனால் இதனை ரசிகர்கள் அனுபவப்பட முடியுமா என்பது கேள்விக்குறி.

உலக அளவில் இந்த சவுண்ட் சிஸ்டத்தில் உருவாகிய இரண்டாவது படம் விஸ்வரூபம். ஆசிய அளவில் முதல் படம். இந்த தொழில்நுட்பம் இந்தியாவுக்கு முற்றிலும் புதுசு. இதனை திரையரங்குகளில் நிறுவ காலமும் கொஞ்சம் காசும் ஆகும். சத்யம் போன்ற நவீன திரையரங்குகள் இதனை நிறுவுவதற்கு தயார் (சத்யம் திரையரங்கு ஏற்கனவே இந்த தொழில்நுட்பத்துக்கு மாறிவிட்டது).

படம் வெளியாகும் போது தமிழகத்தில் 25 திரையரங்குகள் இந்த தொழில்நுட்பத்துக்கு மாறினால் அதிசயம். அதனால் ஒவ்வொரு திரையரங்கும் புதிய தொழில்நுட்பத்துக்கு ஏற்ப மாறும்படியும், பார்வையாளர்களுக்கு நல்ல அனுபவத்தை தர ஒத்துழைக்கும்படியும் கமல் வேண்டுகோள் விடுத்துள்ளார்.
திரையரங்கு உரிமையாளர்கள் கமல்ஹாசன் விஸ்வரூபம்