டிசம்ப‌ரில் கண்ணா லட்டு தின்ன ஆசையா

சந்தானம், பவர் ஸ்டார் இணைந்து தமிழகத்தை ஒருவழி பண்ணுவதற்கென்றே உருவாக்கியிருக்கும் கண்ணா லட்டு தின்ன ஆசையா டிசம்ப‌ரில் வெளியாவதாக தகவல்கள் தெ‌ரிவிக்கின்றன.


படத்தின் கதை? அது யாருக்கு வேண்டும். சந்தானமும், பவர் ஸ்டாரும் சேர்ந்து பதேர் பாஞ்சாலியா எடுக்கப் போகிறார்கள். எல்லாம் காமெடி கூட்டாஞ்சோறுதான்.

தமன் இசை, பாலசுப்பிரமணியெம் ஒளிப்பதிவு, சிம்பு கெஸ்ட் ரோல் என்று பக்கா செட்டப்போடு தயாராகியிருக்கிறது படம். மாஸ் ஹீரோக்களையே கலாய்த்து காயப் போடும் சந்தானம் பவர் ஸ்டாரை இதில் பிய்த்து பி‌ரியாணி போட்டிருப்பதாக யூனிட் கிசுகிசுக்கிறது.

டிசம்பர் ஃபீவ‌ரில் இந்தப் படமும் சிக்கியிருப்பதாக கேள்வி. டிசம்பர் 21ஆம் தேதியை குறி வைத்திருக்கிறார்கள். அன்றுதான் பரதேசியும் வெளியாகிறது.

பவர் ஸ்டார் வெர்சஸ் பரதேசி?
சந்தானம், பவர் ஸ்டார் சீனிவாசன்