பாலா - பாடகர்களுக்கு ம‌ரியாதை

பாலாவின் பரதேசி ஆடியோ வெளியீட்டு விழா வரும் 25ஆம் தேதி சென்னையில் நடக்கிறது. இந்த விழா நடப்பதற்கு முன்பே அதில் பாடிய பாடர்களுக்கும், எழுதிய வைரமுத்துக்கும் சிறப்பான ம‌ரியாதை செய்திருக்கிறார் பாலா.

பரதேசியில் பாடல் வெளியீட்டு விழா லண்டனில் நடக்கும் என முதலில் அறிவித்தனர். விசா பிரச்சனை இருந்ததால் அதனை இப்போது சென்னை சத்யம் வளாகத்தில் நடத்த முடிவு செய்து அழைப்பிதழும் விநியோகித்து வருகின்றனர். இந்த அழைப்பிதழில் பாடகர்களும், பாடலாசி‌ரியரும் கௌரவப்படுத்தப்பட்டுள்ளனர்.

பொதுவாக இசை வெளியீட்டு விழாக்களில் பாடகர்களை குறிப்பிட்டு பாராட்டுவதோ, வாழ்த்துவதோ கிடையாது. மாறாக தனது இசை வெளியீட்டு விழா அழைப்பிதழில் படத்தில் பாடியிருக்கும் அனைவ‌ரின் படங்களையும் ஓவியமாக வரைந்து இடம்பெறச் செய்திருக்கிறார் பாலா. அருகில் அவர்கள் பாடிய பாடல்களின் விவரம். இதேபோல் இசையமைத்த ‌ஜி.வி.பிரகாஷ், பாடல்கள் எழுதிய வைரமுத்து ஆகியோ‌ரின் ஓவியங்களும் அழைப்பிதழில் இடம்பெற்றுள்ளது.

பாடல் வெளியீட்டு விழாக்களில் பாடகர்களுக்கு இனியாவது மற்றவர்களும் முக்கியத்துவம் தருவார்களா?
பரதேசி ஆடியோ வெளியீடு, பாலா