பாலா வெளியிட்ட ஹ‌ரிதாஸ் பாடல்கள்

அடிதடி படங்களுக்கு நடுவில் உணர்வுபூர்வமான கதையை படமாக்குவது சவால். அப்படியொரு சவால்தான் ‌ஜிஎன்ஆர்.குமாரவேலன் இயக்கியிருக்கும் ஹ‌ரிதாஸ். அப்பா மகன் உறவை பிரதானமாகச் சொல்கிறது இந்தப் படம்.

கிஷோர், சினேகா நடித்திருக்கும் இதன் பாடல்கள் வெளியீட்டு விழா பாலுமகேந்திரா, கே.பாக்யரா‌ஜ் முன்னிலையில் நடந்தது. பாலா முதல் சிடியை வெளியிட விக்ரம் பெற்றுக் கொண்டார்.

விஜய் ஆண்டனி ஹ‌ரிதாஸுக்கு இசையமைத்துள்ளார். ஒளிப்பதிவு ரத்னவேலு. விழாவில் இரண்டு பாடல்களும், ட்ரெய்லரும் வெளியிடப்பட்டது. பாலுமகேந்திரா பேசுகையில், எனக்குப் பிடித்த நடிகை சினேகா என்று குறிப்பிட்டார். மேலும் ஒருகட்டத்தில் மகனுக்கு தந்தை ஹீரோவாக இருப்பதாகவும் பிறகு தந்தைக்கு மகன் ஹீரோவாக இருப்பதாகவும் குறிப்பிட்டார்.

விழாவுக்கு வந்தவர்களுக்கு குமாரவேலன் நன்றி கூறினார்.
ஹரிதாஸ், கிஷோர், சினேகா, பாலா