சமர் ஆர்யாவுக்காக உருவான கதை - விஷால்

விஷால் நடித்திருக்கும் சமர் படத்தின் பத்தி‌ரிகையாளர் சந்திப்பு சென்னையில் நடந்தது.

தீராத விளையாட்டு பிள்ளைக்கு பிறகு விஷால் இயக்குனர் திரு இணைந்திருக்கும் படம் சமர். முதல்முறையாக இதில் த்‌ரிஷா விஷால் ஜோடியாக நடித்துள்ளார். இவர்களுடன் முக்கியமான வேடத்தில் சுனைனா நடித்துள்ளார். யுவன் ஷங்கர் ராஜா இசை.

இந்த மாதம் சமர் வெளியாகிறது. இதனை முன்னிட்டு பத்தி‌ரிகையாளர்களை பட யூனிட் சந்தித்தது. படம் குறித்து பேசிய விஷால், சமர் கதையை திரு ஆர்யாவுக்காகதான் உருவாக்கினார். அவனுக்கு உருவாக்கிய கதையில் நான் நடித்தது பற்றி ஆர்யா என்னிடம் எதுவும் கேட்க மாட்டான். அவன் மானஸ்தன். அவன் இவனில் நான் நடித்தது முதல் என்னுடைய வளர்ச்சியில் அவனுக்கு முக்கிய பங்குண்டு என்று பேசினார்.

சம‌ரில் மலையேற்ற பயிற்சி அளிப்பவராக விஷால் நடிக்கிறார். பாங்காங் செல்லும் இவர் அங்கு சந்திக்கும் எதிர்பாராத பிரச்சனையை மையப்படுத்தி கதை பயணிக்கிறது. படத்தின் ‌ரிலீஸ் தேதி இன்னும் முடிவாகவில்லை.
விஷால், சமர், ஆர்யா, திரு