ஸ்கிரிப்ட் வேலையில் நரேன்

வந்தோமா நடித்தோமா என்றில்லாமல் ஸ்கிரிப்டில் மூக்கை நுழைத்து ஃபீல்டிலிருந்தே ஒதுக்கப்பட்ட நடிகர்கள் இருக்கிறார்கள். தொடர் தோல்வியை சந்திக்கும் போது நடிகர்கள் தவிர்க்க முடியாமல் ஸ்கிரிப்டில் தலையை நுழைக்க வேண்டியிருக்கிறது. அமீர்கானுக்கு முழு ஸ்கிரிப்டையும் பக்கா டீடெய்லுடன் தந்தால் மட்டுமே கால்ஷீட் வாங்க முடியும்.

ஷாகித் கபூர் இப்படி ஸ்கிரிப்டில் தலையை நுழைத்ததால் அடுத்தடுத்து மூன்று முக்கியமான படங்களை இழக்க வேண்டி வந்தது. இவ்வளவு நீண்ட பீடிகைக்கு காரணம் நடிகர் நரேனும் ஸ்கிரிப்டில் தனது செல்வாக்கை காட்ட ஆரம்பித்திருக்கிறார்.

முகமூடியில் வீணடிக்கப்பட்ட நரேன் மலையாளத்தில் அரை டஜன் படங்களில் நடித்து வருகிறார். ஆனால் அவரது விருப்பத்துக்குரிய தமிழில் படங்கள் சுத்தமாக இல்லை. இந்நிலையில் எஸ்.ஜே.சூர்யாவின் முன்னாள் உதவியாளர் வாசனுடன் இணைந்து ஸ்கிரிப்ட் ஒன்றை எழுதி வருகிறார். தமிழில் இழந்த பெயரையும் மார்க்கெட்டையும் மீட்டெடுக்கவே இந்த முயற்சி. வாசன் நரேனின் நண்பர் என்பதாலும், அவருக்கு முதல் படம் இது என்பதாலும் நரேனின் ஸ்கிரிப்ட் எழுதும் முயற்சி பாஸிடிவ்வாகவே பார்க்கப்படுகிறது.

அடுத்த வருடம் இந்த ஸ்கிரிப்ட் படமாக்கப்படுகிறது.
நரேன் ஸ்கிரிப்ட், முகமூடி