எதிர்நீச்சலில் நயன்தாரா நடனம்

தனுஷ் தயாரிப்பில் சிவ கார்த்திகேயன், ப்ரியா ஆனந்த் நடித்திருக்கும் எதிர்நீச்சல் படத்தின் மார்க்கெட் வேல்யூவை அதிகரிக்கும் வேலையை துரிதமாகவும் கச்சிதமாகவும் நடத்தி வருகிறார் தனுஷ்.

அனிருத் இசையில் தனுஷ் பாடிய கொலவெறி பாடல் 3 படத்துக்கு முகமாக அமைந்ததால் அதே அனிருத்தை இசையமைக்க வைத்து சில பாடல்களை எதிர்நீச்சல் படத்துக்காக பாடியிருக்கிறார் தனுஷ். அதேபோல் சில பாடல்களை எழுதவும் செய்திருக்கிறார். இதற்கு கைமேல் பலன். சோனி நிறுவனம் இன்னொரு கொலவெறி ஆசையில் படத்தின் ஆடியோ உரிமையை வாங்கியிருக்கிறது. அனேகமாக டிசம்பர் 14 பாடல்கள் வெளியிடப்படலாம்.

ஆனால் இது மட்டும் போதாதே. அதனால் தனுஷே களமிறங்கி ஒரு குத்துப் பாடலுக்கு ஆடுகிறார். உடன் ஆடுகிறவர் நயன்தாரா. அனேகமாக இவர்கள் இருவரையும் முன்னிறுத்திதான் பிசினஸே நடக்கும் போலிருக்கிறது.